由和牛B的成長日記分享
最近搬咗屋，對於屋企嘅環境我同老公都有一定要求。
我哋期望屋企唔會再出現垃圾山，雜物太多，仲要往往貪方便就隨處擺放。
久而久之，亂堆積之下，屋企就會好似垃圾崗一樣。
每當招呼朋友上嚟，影響外觀之餘，仲會難以找尋物品。
既然係咁，由生活習慣開始改變之餘，仲要配上好用嘅收納用品，先能夠有助我解決呢個垃圾崗嘅問題。
其實而家我嘅重災區，係和牛B嘅玩具房。因為和牛B嘅玩具實在太過多，每一次和牛B玩完玩具我哋都會提佢執玩具，佢係有執嘅。不過，間房仍然好似打杖一樣咁亂。
和牛B鍾意玩微型玩具、車仔、積木等。
用【ES002 Combo】系列一套有4個Size，重點係透明袋，可以清楚睇到放咗啲乜入去。
套裝最細嘅袋大概A5左右，剛好將彩色寶石全部袋好，而另一個就可以將Thomas & Friends系列玩具袋好一袋，整齊好多。
【ES002 Combo】 一套有4個，4個都唔同Size。
玩具車，Peppa Pig嘅figure玩具公仔都超級多、唔同系列嘅積木又有，唔想再散修修，就唯有分開唔同類別放晒入袋。要玩車就拎車個袋，唔會通處都係。
【TH008S】 一套有3個，3個一樣Size。
【TH008S & ES002 Combo】收納好之後，放回書櫃到，幾整齊，同埋容易搵到。
除咗細件玩具多之外，唔大唔細嘅玩具都好散亂，亂擺仲會好惹塵。
所以我用咗【ZP001L】系列嘅袋收納散亂嘅中大型玩具。
煮飯仔玩具和牛B亦都好多…之前用一個盒仔入住，不過個盒已經唔夠放同埋紙盒質地容易爛。所以我哋都用咗【ES003S-SH】，將所有食材放晒入去，又方便拎又容易睇到。
整理好之後，除咗整齊咗之外，亦好方便和牛B繼續拎嚟玩。
來到轉季衣物，一家三口啲衣物都好多，呢到只係和牛B嘅轉季衣物同被舖。
其實每年轉季我都好頭痛，一定要入好幾包紅白藍，但入好袋之後又唔知呢一袋入咗啲咩衫。到第二年轉季又要摷到亂晒龍先執好個衣櫃，花嘅時間真係好多呀!
【ZP003M & ZP001XL】
整理好，放返入衣櫃都整齊咗好多。同埋我可以清楚睇到每一袋入咗啲咩衫入去，方便我下年轉季收拾。
其實高清收納袋，除咗係我屋企收納嘅好幫手之外，仲可以作為我外出用嘅整理收納袋。
和牛B未完全戒片之前，我都會高清收納袋將尿片、濕紙巾、Cream、消毒搓手液袋埋一齊，方便好多。因為有時拜託老公幫手拎尿片出嚟，佢都可以清楚見到，唔需要再問我幾次。
【ES002 Combo】 一套有4個，4個都唔同Size。
仲有和牛B嘅外出遊戲包，等佢喺餐廳等食嘅時候可以解悶。
【ES002 Combo】 一套有4個，4個都唔同Size。
有咗高清收納袋之後，放咗啲咩入去，真係一目了然。
質地亦好好，唔會擔心擺一年啲膠就會變硬、爛，同埋重點就係無臭膠味。
